hornjoserbsce dolnoserbski deutsch
 
 
WITAJĆE
AKTUALNE
WO NAS
SPĚCHOWANJE
PROJEKTY
KONTAKT
POKAZKI
IMPRESUM

Nastaće załožby ::

 

Na zakładźe wukaza ministerskeho prezidenta Swobodneho stata Sakska so dnja 19. oktobra 1991 we Łazu Załožba za serbski lud załoži. Jeje hłowne sydło je Budyšin.

 

Njesamostatna załožba zjawneho prawa bě spočatnje sakskej Statnej kencliji přirjadowana. Hladajo na to, zo serbski lud žadyn swójski maćerny kraj nima a zepěrajo so na protokolowu noticu čo. 14 k artiklej 35 Zjednoćenskeho zrěčenja a w njej zakótwjeny zawjazk Zwjazkoweje republiki Němska napřećo serbskemu ludej, wutworichu so z tym materielne wuměnjenja k zawěsćenju a wuwiću serbskeje rěče, kultury a tradicijow Serbow.

 

Z podpisanjom Statneho zrěčenja mjez Krajom Braniborska a Swobodnym statom Sakska wo załoženju "Załožby za serbski lud" z dnja 28. awgusta 1998 naby załožba swoju prawokmanosć.

Runočasnje dojednachu so Zwjazk a krajej na financne zrěčenje, płaćiwe hač do 31. decembra 2007. Dalše, potom Druhe financne zrěčenje bu 10. julija 2009 w Berlinje podpisane a bě płaćiwe hač do 31. decembra 2013. Z toho časa so přiražka Zwjazka kóždolětnje znowa postaja, krajej so wotpowědnje financěrowanskemu klučej a dołholětnej praksy tomu přiměrjatej. Załožba praktikuje tuž hižo druhe lěto po principje nachwilneho hospodarjenja - cyłkowne financne srědki su hakle wosrjedź lěta swobodne -, štož jeje dźěławosć a tu serbskich institucijow sylnje wobćežuje.  

 

 

WERSIJA ZA ĆIŠĆ HŁOWNA STRONA >>>

Last UpDate 16.01.2010 - based on CSalrCMS 4.2 Build 1453 by CS active 2002 - Global Solutions @ Christoph Sareng