Wupisanje dźěłowych městnow
Załožba za serbski lud njespěchuje jeno serbske institucije a projekty, ale wobhospodarja tež ležownosće a objekty.
Za imobilijowy zarjad załožby w Choćebuzu pytamy technisku asistencu (m/w/d).
Nadawki su mnohostronske a rozrjaduja so předewšěm do tutych wobłukow:
Rjadowanje ležownosćow a imobilijow:
- zaručenje porjada a wěstoty w objektach
- koordinacija a dohladowanje reparaturow a hladanskich naprawow
- přewjedźenje mjeńšich porjedźenskich dźěłow
- prawidłowne kontrole fungowanosće při wšitkich techniskich objektach
- zawěsćenje a dodźerženje prawniskich směrnicow/winowatosćow wobchadneje wěstoty objektow
- přihot a přewod techniskich a twarskich projektow na stejnišćach (Serbski dom, Delnjoserbski internat) w Choćebuzu
- energijowy a resursowy management (kontrola přetrjebowych hódnotow w medijowych wobłukach)
- najmjenje/wotnajenje w objektach
- management dodawarja/nakup materiala
Wozydłowy park Załožby za serbski lud:
- koordinacija wozydłoweho parka / management jězdźidłow
kaž tež IT-podpěru / First-Level-Support za našu wotnožku w Choćebuzu.
Waš profil:
- Wy wobknježiće serbšćinu ertnje a pisomnje abo sće zwólniwy/zwólniwa rěč w běhu dweju lět nawuknyć (znajmjeńša stopjeń A2).
- Wy sće zarjadnisko-techniske wukubłanje zakónčił/a a maće dobre twarsko-techniske a hospodarske zrozumjenje.
- Wuznajeće so we wobłukach elektro-, sanitarna a tepjenska technika (abo wobłuki TGA).
- Sće wušikny/a w jednanjach a talentowany/a w komunikaciji (internje a eksternje), zamóžeće so přesadźić, sće spušćomny/a, wustupujeće wěsće a sće kmany/a so derje sami organizować.
- Maće fundowane MS-office-znajomosće a jězbnu dowolnosć, rjadownju B.
Załožba skića Wam dźěło w přećelnym a nazhonitym teamje, naročne nadawki, fleksibelny dźěłowy čas a wobšěrne zapokazanje do noweho wobłuka nadawkow. Dźěłowy čas wučinja 40 hodźin wob tydźeń. Dźěłowe městno je w Choćebuzu. Mzda płaći so po tarifje TV-L (EG 8).
Městno ma so k 1. julijej 2024 wobsadźić.
Smy Waš zajim budźili? Wjeselimy so na Waše požadanje.
Waše podłožki pósćelće prošu hač do 06. meje 2024 digitalnje na stiftung-bautzen@sorben.com
abo z póštu na: Załožba za serbski lud, Póstowe naměsto 2, 02625 Budyšin.
Prašenja Wam Seraphina Pašcyna, telefon 03591 550311, s.paschke@sorben.com rady zwotmołwja.
Pytamy pruwowarku/-ja (m/ž/d)
za wotličenja serbskich institucijow a spěchowanych projektow.
Što wot Was wočakujemy:
- wysokošulske abo powołanske wukubłanje w zarjadnistwje abo hospodarstwje, ale tež wotpowědne powołanske nazhonjenja připóznajemy
- kmanosć, ertnje a pisomnje serbsce komunikować
- nazhonjenja w dźěle z digitalnymi gratami, dokumentami a procesami
- a w idealnym padźe znajomosće přizwolenskeho prawa
Tole Wam skićimy:
- dźěło w přećelnym a nazhonitym teamje
- fleksibelny dźěłowy čas a móžnosć za homeoffice a
- wobšěrne, intensiwne zawjedźenje do noweho skutkowanja.
Dźěłowy čas wučinja 40 h wob tydźeń, mjenje je po dorěčenju móžno. Dźěłowe městno je w Budyšinje a je najprjedy raz hač do 31. decembra 2024 wobmjezowane.
Mzdu płaćimy po tarifje TV-L (wotwisnje wot wukubłanja hač do EG 9b).
Požadajće so z trěbnymi podłožkami hač do 08.01.2024 digitalnje na stiftung-bautzen@sorben.com abo z póštu na
Załožba za serbski lud, Póstowe naměsto 2, 02625 Budyšin.
Wšě prašenja Wam zwotmołwja Jana Zyndźina, telefon 03591 550303, sende-stiftung@sorben.com
Załožba je připóznata partnerka powołanskeje akademije Sakskeje - Statna studijna akademija (BA) Budyšin za wukubłanje w praksy.