Wupisanje dźěłowych městnow
Wupisanje dźěłoweho městna w SKI
Pytamy koleginu/kolegu, kiž nas z kompetencu a zapalom při dźěle w Serbskej kulturnej informaciji (SKI) w Budyšinje podpěra.
Serbska kulturna informacija w Budyskim Serbskim domje ma so etablěrować k znatemu magnetej za wopytowarjow Łužicy a Budyšina z tu- a wukraja, ale tež k woblubowanemu zetkawanišću za Serbow. Za to chcemy wobłuki serwis, zarjadowanja, prezentacija a předawanje z přewodom intensiwneho marketinga dale rozšěrić.
Što słuša do wašich nadawkow?
- informacija wopytowarjow a wobdźěłanje naprašowanjow (direktnje a online
- profilowanje SKI k předawanišću serbskich a regionalnych produktow a suweněrow
- wuwiwanje turistiskich poskitkow za hosći
- přihot a organizowanje wustajeńcow a zarjadowanjow w SKI
- hladanje internetowych poskitkow SKI (webstrona, online shop, kulturna protyčka)
- wobdźěłanje online skazankow
- prezenca na regionalnych zarjadowanjach
Što wot was wočakujemy?
- přećelne a wotewrjene wašnje we wobchadźe z hosćimi a kupcami runje tak, kaž z kolegami a partnerjemi na słužbnej runinje
- koncepcionelne myslenje, swójsku iniciatiwu, samostatnu dźěławosć, organizatoriske kmanosće a fleksibelnosć
- wobknježenje serbskeje rěče w słowje a pismje
- wukubłanje abo dołholětne nazhonjenja na polu předawanja abo turizma
- znajomosće jendźelšćiny a druhich słowjanskich rěčow witane
- znajomosće we wobchadźe z kompjuterom a ze socialnymi medijemi
- zwólniwosć k dalekubłanju
Załožba skići Wam naročne nadawki a tworićelsku swobodu kaž tež dźěło w přećelnym a nazhonitym teamje. Dźěłowy čas wučinja 40 hodźin wob tydźeń, mjenje je po dorěčenju móžno. Městno, hódnoćene po tarifje TV-L (skupina 8), je w Budyšinje a ma so po móžnosći wot 1. julija 2021 wobsadźić.
Wjeselimy so na Waše požadanje digitalnje na
stiftung-bautzen@sorben.com abo z póštu na
Załožba za serbski lud, Póstowe naměsto 2, 02625 Budyšin.