Wupisanje dźěłowych městnow
Załožba za serbski lud pyta wót 01.07.2021
sobuźěłaśerja (m/ž/d) za marketing a zjawnostne źěło we wótrěźe Chóśebuz.
Waše nadawki:
- naźěłanje a pśesajźenje marketingowego koncepta za projekty, produkty a zarědowanja załožby w Dolnej Łužycy
- profesionalizacija zjawnostnego źěła załožbowego wótrěda z wuskim zgromadnem źěłom ze Serbskeju kulturneju informaciju LODKA a z Dolnoserbskeju biblioteku
- koordiněrowanje digitalnych pórucenjow a prezence w socialnych seśach
- iniciěrowanje wósebnych marketingowych akcijach
- natwaŕ a woplěwanje dolnołužyskeje redakcijskeje seśi za serbski online-portal
Waš profil:
- wótzamknjone wukubłanje abo dłujkolětne nazgónjenja na pólu marketinga abo zjawnostnego źěła
- koncepcionelna a techniska kompetenca k nagrawanju socialnych seśow a digitalnych medijowych kanalow
- wobkněženje serbšćiny abo zwólniwosć, serbsku rěc nawuknuś
- znajobnosći serbskeje kultury a regionalnych partnarjow a iniciatiwow
- Wy sćo kreatiwnje, komunikatiwnje a wótwórjony a móžośo spušćobnje a samostatnje waše wótměnjate nadawki spółniś.
Póbitujomy zagronitostne nadawki, stwóriśelsku lichotu a zgromadne źěło z nazgónitym a pśijaśelnym teamom.
Źěłowy cas wobpśimjejo 20 góźinow tyźeński. Mobilne źěło jo zdźěla móžno. Źěłowe městno jo w Chóśebuzu. Źěło se płaśi pó TV-L (E 9).
Wjaselimy se na Wašo procowanje wó pśistajenje až do 15.05.2021 digitalnje na
stiftung-bautzen@sorben.com abo z postom na
Załožbu za serbski lud, Postowe naměstno 2, 02625 Budyšyn