Projekty w Sakskej

Medijopedagogiska kompetenca a serbska rěč – „Serbske _ medije _ inowacija“

Projekt wopisuje ofensiwnu kubłansku iniciatiwu k přiswojenju medijoweje kompetency pola dźěći, młodostnych a dorosćenych w serbskej rěči přez medijowe kubłanje a pedagogiske zarjadowanja, etablěrowanje medijoweje akademije a natwar poradźowarnjow.

Medijowa produkcija wopřija direktnu abo indirektnu podpěru priwatnych medijowych producentow, wuwiće nowych medijowych formatow, kooperacije a posłužby kaž tež natwar syće za serbsku digitalnu medijowu produkciju.

Za digitalizaciske projekty ma so personal kwalifikować a z pomocu techniskeho a organizatoriskeho poradźowanja a nawoda poskitk digitalnych serbskich medijow wutwarić.

Přez posłužby maja so dochody generěrować.

Doba přewjedźenja: 07.2022 – 12.2027, dalewjedźenje planowane
Nošer projekta: Serbske šulske towarstwo z. t.

Serbski eksperiMINT campus w Radworju

Projekt wopisuje załoženje a natwar atraktiwneho serbskeho rěčneho ruma zwonka swójby a kubłanišćow w gmejnje Radwor. Zwonkašulske aktiwity a poskitki maja so wuwić a z tym wosebje techniske a přirodowědne zajimy dźěći a młodostnych spěchować. Poskitki słuža jako srědk a grat k nałožowanju serbskeje rěče a aktiwnemu rozestajenju z rěču. Zarjadowanju spočatnje mobilneho „labora“ slěduje natwar stajneho domicila w Radworju z wobšěrnym spektrumom poskitkow w serbskej rěči.

Za nawod, organizaciju, planowanje a realizowanje campusa kaž tež natwar partnerskeje syće ma so spočatnje wosoba kruće přistajić (wutwar do 2038). Dalše wosoby maja na honorarnej bazy poskitki přewjesć.

Doba přewjedźenja: 07.2022 - 12.2026, dalewjedźenje planowane
Nošer projekta: Serbska staršiska iniciatiwa Radwor z. t.

Natwar syće za regionalny identitny a rěčny management

Syć za regionalny identitny a rěčny management ma so natwarić, kotraž na městnje – specifiskim regionalnym potrjebam wotpowědnje – poskitki a rěčne rumy twori, splećenje zmóžnja, wědu posrědkuje a rum za dalši kreatiwno-wuměłski kaž tež wobydlersko-ciwilnotowaršnostny angažement zmóžnja. Dołhodobny zaměr je rewitalizacija serbskeje rěče jako znamjo jónkrótnosće Łužicy. Projekt wobsteji z dweju wot so wotwisneju stołpow – rěčneho a regionalneho managementa. W stołpomaj su jednotliwe module zapołožene:

Rěčny management
modul 1: rěčne planowanje / akciski plan
modul 2: Syć / rěčnicy
modul 3: rěčny marketing / rěčni motiwatorojo
modul 4: Natwar rěčnych resursow / rěčna šula
modul 5: Europska wjacerěčnosć

Regionalny management
modul 6: zapisanje wobstatka – syć regionalnych kótwicarskich dypkow
modul 7: potencialne wuwiće – rewitalizaciski potencial
modul 8: městno kompetency k skrućenju małych muzejow a domizniskich stwow
modul 9: inowatiwny kulturny centrum / Serbsce kreatiwnje
modul 10: podpěra ciwilneho angažementa a čestnohamtskeho zastojnstwa / běrow towarstwow

Projektowy management
modul 11: projektowy management, přewodźace naprawy

Přesadźenje měznikow w dobje 2022 – 2038 ma so w štyrjoch fazach přewjesć.

Aktualna doba přewjedźenja: 2022 – 2026
Nošer projekta: Domowina z.t.

Koncepcija přewjedźomnosće - temowa kolesowarska čara

Nadźěłanje (zwoprawdźomneje) koncepcije za wutwar kolesowarskeje "Serbske impresije" a kwalifikowanje tuteje na kraje přesahowacu łužisku kulturno - rěčnu - temowu čaru "Serbske impresije"

Próstwa poćahuje so jenož na sakski wobłuk studije a je wudospołnjenje hižo w lěće 2022 schwaleneho modeloweho předewzaća w Braniborskej.

Hižo wobstejaca kolesowarska infrastruktura ma so z jednotnym wuhotowanjom taflow rozšěrić a na "kulturno-rěčnu temowu čaru" kwalifikować a zwičnić. Zaměr je wuwiwać inowatiwny, indiwidualnje spřistupnjomny informaciski, aktiwitowy a wuknjenski poskitk za młodych a starych, kiž zmóžnja (znowa) přistup k serbskej rěči, zwjazuje a spřistupnja kulturnoturistiske poskitki a je zdobom přinošk k lokalnemu tworjenju hódnotow.

Doba přewjedźenja: 01.01.2023 - 31.12.2023
Nošer projekta: Serbski kulturny turizm z. t.

Centrum digitalizacije na Serbskim instituće w Budyšinje

Digitalizacija swójskich wobstatkow serbskeho kulturneho herbstwa kaž tež posłužba za druhe serbske zarjadnišća a zajimcy

Jadrowe nadawki su ryzy imageowa digitalizacija (mj.dr. knihow, muzikalijow, zawostajenstwow), digitalizacija wšelakich medijowych typow (n.př. analogny zwukowy a filmowy material), digitalny přihot kaž tež digitalne spřistupnjenje. Dalši zaměr je polěpšenje widźomnosće serbskeho kulturneho herbstwa. Nimo wutworjenja swójskich prezentaciskich kanalow twori splećenje z regionalnymi, narodnymi a mjezynarodnymi portalemi kulturneho herbstwa wažny wobstatk nadawkow DC.

Natwar DC ma so w 3 fazach přewjesć, w kotrychž so krok po kroku personal a spektrum dźěławosće rozšěrja.

Faza 1 - postupowanje ma so koncepcionelnje definować, planować a infrastruktura natwarić
wutworjenje najprjedy třoch dźěłowych městnow (wuwjedźenski čas 36 měsacow)

Faza 2 - poskitk posłužbow so přihotuje a so w prěnich krokach zeskutkowni. Fokusěruja so na dołhodobne archiwowanje a nowe formy prezentacije. Dźěłowe městna z fazy 1 so přewozmu a dale wjedu. Po potrjebje pomocnicy přidruža. (wuwjedźenski čas 12 měsacow)

Faza 3 - njeje wobstatk tuteje spěchowanskeje próstwy, budźe pak za přichodnej spěchowansku dobu formulować (produktiwne přesadźenje DC z rozšěrjenjom kapacitow).

Doba přewjedźenja: 01.01.2023 - 31.12.2026
Nošer projekta: Serbski institut z. t.

KRABATa dožiwić - zesylnjenje hospodarstwa a turizma w dwurěčnej Łužicy

Wutworjenje hłownohamtskich strukturow w towarstwje, zo by so regionalne wuwiće w dwurěčnej Łužicy přez aktiwne dźěło spěchowało a so nowa kwalita angažementa docpěła

Čestnohamtske dźěło towarstwa ma so přez projektoweho managera (ze znajomosćemi serbšćiny) podpěrać. Přez nadpřerěznu hibićiwosć a aktiwitu w regionje ma splećenje KRABAToweho regiona, kotryž so přez 3 LEADER-regiony wupřestrěwa, nastać. Zo by so kontinuowane dźěło a centralne zetkawanišćo zaručiło, ma so centralny běrow w Krabatowym regionje zarjadować.

Doba přewjedźenja: 01.01.2023 - 31.12.2026
Nošer projekta: KRABAT z. t. "Na slědach Krabata"

Regeneracija - reprodukcija - inowacija, spěchowanje serbskeho kulturneho a kreatiwneho hospodarstwa w přechodnym regionje

Přez projekt ma so serbske kulturne a kreatiwne hospodarstwo (KuK) podpěrać. Zaměr je skrućenje serbskeho KuK kaž tež wuwiwanje nowych produktow (suweněry) a posłužbow (dźěłarnički) z ćežišćom na sakskim dźělu srjedźneje Łužicy (wosebje wobłuk Wojerecy a Běła Woda). Dołhodobny zaměr předewzaća je kwalitatiwne a kwantitatiwne dalewuwiće komercielnych a njekomercielnych kulturnohospodarskich poskitkow za zwyšenje hódnoty elementow serbskeje kultury. Předewzaće natwarja na nazhonjenjach wšelakich předchadźacych projektow w Braniborskej a je špihelowane k projektej "hódnoćenje imaterielneho kulturneho herbstwa w němsko-słowjanskim konteksće" w Braniborskej.

Projekt bazuje na 5 dźěłowych paketach:

zjawnostne dźěło: zwyšenje widźomnosće poskitkow KuK, komunikacije serbskeje kultury jako znamjo jónkrótnosće Łužicy, pozitiwna komunikacija strukturneje změny

organizatoriske formy: intensiwowanje kooperacijow, zhusćenje a skrućenje syćow, wuwiće koncepta, planowanje pilotoweho přesadźenja

serbskosć na festiwalach: podhódnoćeny hospodarski faktor, zestajenje specifiskich poskitkow za zarjadowarjow, pilotowe zwoprawdźenje na wšelakich festiwalach

módroćišć: strategiske přiznamjo nimo drasty a jutrowneho jejka, kulturna technika ma so zaso zakótwić, přewjedźenje dźěłarničkow, přednoškow, dalekubłanjow, zesylnjene zwičnjenje

cross-inowacija: zapřijeće jednotliwych kulturnikow / muzejow / domizniskich stwow, wutworjenje (socialnych) rumow, přewjedźenje crossoweje inowacije, hódnoćenje stareje rjemjeslniskeje techniki (škleńčane parlički, wušiwanje)

Doba přewjedźenja: 01.04.2023 - 31.12.2025
Nošer projekta: Daniel Häfner - strategiske poradźowanje