Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Wuměłstwo a kultura

K tomu liča wustajeńcy, dźěłarnički, wšitke formy dźiwadźelenja, čitanja, edicije, wubědźowanja kaž tež předstajenja inkluziwnje nadawkodawarstwa we wšitkich wobłukach. Wosebita kedźbnosć słuša spěchowanju wuměłskeho dorosta a wuměłskej kwalifikaciji lajskeho dźěła.

Spěchuja so tež projekty ze zaměrom, awtochtone serbske nałožki, serbsku rěč, drasty, ludowu hudźbu a reje zdźeržeć a rozšěrjeć, zo by so z tym identifikacija serbskich wobydlerjow ze swojej domiznu a swojimi tradicijemi podpěrała. K tomu słuša tež podpěra njestatnych muzejow, domizniskich stwow, spěchowanje naprawow za škit, hajenje a nowopostajenje serbskich kulturnych pomnikow a předewzaćow, kotrež słuža k zachowanju a wuwiću serbskeje folklory, žiwjenskeho wašnja a žiwjenskeho wuraza.

Za wobłuk kultura a wuměłstwo wopisuja slědowace směrnicy nadrobnosće spěchowanja:

  • Serbske tworjace wuměłstwo
  • Serbske předstajace wuměłstwo
  • Serbska literatura
  • Serbska hudźba
  • Hajenje domizny a spěchowanje nałožkow
  • Njestatne serbske muzeje a domizniske stwy
  • Serbske kulturne pomniki
  • Předewzaća w sociokulturnym wobłuku