Próstwa wo spěchowanje

Załožba za serbski lud spěchuje projekty ze zaměrom, serbsku rěč a kulturu jako wuraz identity serbskeho ludu zdźeržeć a dale wuwiwać. (hlej spěchowanska směrnica Załožby za serbski lud)

Za to požadać móža so towarstwa, kulturne skupiny, hamty, gmejny, kubłanske institucije, nakładnistwa a druzy nošerjo projektow (přirodne a juristiske wosoby), z bydlenjom abo sydłom w serbskim sydlenskim rumje Swobodneho kraja Sakska respektiwnje w starodawnym sydlenskim rumje Serbow w Braniborskej abo kotřiž móžeja pokazać na projekt, kotryž so přewjedźe w pomjenowanym sydlenskim rumje. Při tym ma so dźiwać na "Powšitkowne postajenja (wotrězk I)" směrnicy.

Předmjet spěchowanja su předewzaća w slědowacych wobłukach:

A. Serbske tworjace wuměłstwo
B. Serbske předstajace wuměłstwo
C. Serbska literatura
D. Serbska hudźba
E. Hajenje domizny a pěstowanje nałožkow
F. Dźěćace a młodźinske projekty/wočerstwjenje dźěćiny
G. Podpěra internatnych šulerjow Serbskeho gymnazija w Budyšinje a Delnjoserbskeho gymnazija w Choćebuzu
H. Přiražki nošerjam swobodneje młodźinskeje pomocy a nošerjam zjawneje młodźinskeje pomocy z dwurěčnymi (serbsko-němskimi) skupinami w Braniborskej
I. Zwonkainstitucionalne wědomostne dźěło
J. Rěčne kursy za hornjo- a delnjoserbsku rěč
K. Njestatne serbske muzeje a domizniske stwy
L. Předewzaća w sociokulturnym wobłuku
M. Stipendije
N. Serbske kulturne pomniki

Pomjenowane spěchowanske kriterije a najwyše sadźby spěchowanja jednotliwych wobłukow su we wotrězku II spěchowanskeje směrnicy "Wosebite postajenja k spěchowanskim wobłukam" wopisane.
Najniša spěchowanska suma su 250 eurow, pod tutej so njespěchuje.

K dospołnosći požadanskeho formulara słušeja:

• wupjelnjeny požadanski formular (staw:1.07.22) (prošu wobkedźbujće tež pokiwy k wupjelnjenju formulara za projektowe spěchowanje (PDF, němsce))

  KEDŹBU! Formular prošu najprjedy na swójskim ličaku składować (na prawu tastu myški kliknyć a potom "Ziel speichern unter") a potom hakle wupjelnić!

• spěchowanskim směrnicam wotpowědowace wopisanje projekta
• detailěrowany, wurunany a w sebi doslědny financny plan, kaž tež
• trěbne podłožki, kiž informuja wo sydle/bydlenju, zaměrje a prawniskej zamóžnosći požadarja.

Časy stajenja požadanja:

• 30. september za projekty w času wot januara hač do junija přichodneho lěta
• 31. měrc za projekty w času wot julija hač do decembra běžneho lěta
• 31. julij za projekty přichodneho lěta, hdyž je wobjim požadaneje sumy wyši hač 10.000 €

Zestawa wšitkich, za požadanje trěbnych dokumentow:

směrnica a postajenja
spěchowanska směrnica Załožby za serbski lud

požadanske formulary
požadanski formular (staw:1.07.22), (prošu wobkedźbujće tež pokiwy k wupjelnjenju formulara za projektowe spěchowanje (PDF, němsce))
KEDŹBU! Formulary prošu najprjedy na swójskim ličaku składować (na prawu tastu myški kliknyć a na "Ziel speichern unter") a potom hakle wupjelnić!

přiłohi za přizwolenje
dopokaz wužiwanja
wobkrućenje přijimanja přizwolenja a wotwołanje srědkow
wotličenje wuměłskeho nawoda
wotličenje jězbnych wudawkow

formulacija pokazki na spěchowanje
pokazka na spěchowanje (němsce, hornjoserbsce, dolnoserbski)

Za prašenja a detailěrowane informacije stejimy rady wosobinsce k dispoziciji.
Wašej rozmołwnej partnerce: