Zarjadowanja a dźěłarnički

Tak kaž so měrja tradicionalne nazymske koncerty na cyłu swójbu, su Schadźowanki a Dny serbskeho dźěćaceho dźiwadła woblubowane zarjadowanja za dźěći a młodostnych w běhu lěta.

Młodostni a dźěći su při tym wosebje wužadani, so intensiwnje a na wuměłske wašnje ze swojej maćeršćinu rozestajeć.

Nazymske koncerty

Koncerty serbskich chórow, spěwnych skupinow a ansamblow ludoweho wuměłstwa słušeja hižo dawno k najwoblubowanišim tradicijam serbskeho kulturneho žiwjenja.

Wone skićeja lajkam dobru móžnosć, swoje wuměłske zamóžnosće prezentować a spěchuja serbsku a němsku zhromadnosć přez wšě generacije. Najwjetši dźěl něhdźe 10 do 14 zarjadowanjow wob lěto je w nazymje. Nazymske koncerty přewjedu so w cyłej Łužicy.

Wot lěta 1996 sem leži planowanje, organizacija a přewjedźenje zarjadowanjow w zamołwitosći załožby. Aktualne terminy koncertow namakaće w serbskej kulturnej protyčce.

Kontakt:
Serbska kulturna informacija - Budyšin
tel.: 03591 550 113
faks: 03591 550-228
stiftung-ski@sorben.com

Dny serbskeho dźěćaceho dźiwadła

Kóžde druhe lěto wotměwaja so w Budyšinje Dny serbskeho dźěćaceho dźiwadła.

Dny wuhotuja so wot Rěčneho centruma Witaj a Załožby za serbski lud ze skutkownej podpěru Němsko-Serbskeho ludoweho dźiwadła Budyšin.

W srjedźišću dnjow steja dźěłarnički pod nawodom serbskich hrajerjow a režiserow. A je z dobrej tradiciju, zo młodźi hrajerjo na kóncu dnjow něšto ze swójskeho dźiwadłoweho repertoira abo z dźěłarničkow zahraja.

Kontakt k zamołwitemu projekta:

John Petrik
tel.: 03591 550-312 
j.petrick-stiftung@sorben.com

Schadźowanka / Schadowanka

Schadźowanka w Hornjej Łužicy a Schadowanka w Delnej Łužicy stej tradicionelnej zetkanišći serbskich gymnaziastow, studentow a absolwentow wšitkich starobnych skupinow.

Na zarjadowanjomaj poskićeja studenća a šulerjo wyšich rjadownjow wobeju serbskeju gymnazijow wotměnjacy wječorny program ze spěwami, rejemi, kabaretom a filmowymi sekwencami. Na programje wobdźěla so hižo tradicionelnjena přikład Serbska kulturna brigada Budyskeho gymnazija, studentski chór abo studenća z Lipska a Drježdźan z krótkimi kabaretami. Schadźowanka/Schadowanka wotmějetej so zwjetša kónc nowembra.

Planowanje zarjadowanjow leži wot lěta 1996 sem w rukach załožby.

Wu- a dalekubłanje na nawodu rejwanskeje skupiny

Z lěta 2002 spěchuje Choćebuzka wotnožka Załožby za serbski lud zarjadowanja k dale- a wukubłanju nawodow rejowanskich skupinow a kwalifikowanych rejowarjow w Delnjej Łužicy.

Z wutworjenjom dorostoweho studija Serbskeho ludoweho ansambla w Budyšinje wuwiwaja so z lěta 2012 zhromadne projekty za podpěrowanje rejowanskich skupinow w Delnej Łužicy.