Stipendije

Stipendije so zjawnje wupisaja.

Požadanja wo 10-měsačny stipendij za dźělny studij sorabistiki na Instituće za sorabistiku Lipsk su kóžde lěto hač do 31.03. móžne. (Kedźbu: Jako nowy termin je 01.03. wotmysleny!) Wupisanje stipendija wusměri so na wukrajnych studowacych, absolwentow a absolwentki kaž tež doktorandow a doktorandki předmjeta slawistika abo podobneho směra. Wupisanje, kotrež skići wažne informacije wo wysokosći financielneje podpěry a wuměnjenjach za požadanje kaž tež wjele pokiwow (na př. nastupajo studijnu dowolnosć, wažne zawěsćenja, dowolnosć za přebywanje a wizum za Němsku a winowatosć, so w zarjedźe za wobydlerjow registrować dać) a online-formular za požadanje namakaće tu. (Wupisanje tuchwilu přihotujemy.)

Nadrobne informacije nastupajo wukonowy stipendij za wusahowace wukony studowacych w połnostudijnym předmjeće sorabistika abo wučerstwo namakaće tu. (Wupisanje tuchwilu přihotujemy.)

Wyše toho přizwoluje załožba přichadźacym serbskim kubłarkam a kubłarjam na próstwu spěchowanje wukubłanja w formje knižneho pjenjeza. Knižny pjenjez přizwoluje załožba jako wróćonjepłaćomnu přiražku. Nadobniše informacije namakaće tu.

Dokelž strony ze wupisanjomaj stipendijow hišće natwarimy, hlej prošu tuchwilu hišće aktualna spěchowanska směrnica, wotrězk II M.