Załožba za serbski lud je hižo w zańdźenosći wjele wšelakorych zynkonošakow, filmow a słuchohrow k wšědnemu wužiwanju do nadawka dała. Nowše pak su zeskutkownjenje computerowych hrow a wšelakich projektow we wobłuku nowych medijow.

Zjawna konferenca k digitalnej strategiji.

Załožba za serbski lud organizuje wob lěto k wšelakim składnosćam, nałožkam a wjerškam wosebite marketingowe akcije, zo bychu so žiwa němsko-serbska dwurěčnosć a serbska kultura we wšědnym dnju wočiwidnišo jewili.

Myto Ćišinskeho je najwjetše wuznamjenjenje Serbow. Z mytom, kotrež Załožba za serbski lud kóždej dwě lěće spožča, so wurjadne wukony na polu serbskeje kultury, wuměłstwa a wědomosće hódnoća a wjelelubjace spočatki w tutych wobłukach spěchuja.

Informacije k twarskim projektam Załožby za serbski lud.

Wubědźowanja su skutkowny instrument za to, nowych spěchowanskich partnerow, spěchowanske zakłady abo spěchowanjahódne předewzaća a talenty namakać. Zdobom pomhaja nowe aktualne temowe wobłuki wotkrywać. Wujasnić móže so nimo toho, zo so wuběranske procesy přewjedu po objektiwnych kriterijach, kiž hodźa so přepruwować.

Projekt wopřijima wustajeńcy tworjaceho wuměłstwa, čitanja a koncerty a pokazuje w zhromadnej prezentaciji pozicije načasnych wuměłčow a wuměłcow z Němskeje, Słowjenskeje a Awstriskeje na mjezsobu zwjazanej temje "Wobrazy krajiny" a "Přechod".

Do swójskich projektow Załožby liča we wobłuku wuměłstwo a kultura wšelake wustajeńcy, kotrež hodźa so tež wupožčić.

Załožba spěchuje talentowany dorost ze stipendijemi. Wona koncentruje so při tym tuchwilu na studijne směry slawistika, wučerstwo a podobne předmjety.

"Schadźowanka" a "Dny serbskeho dźěćaceho dźiwadła" stej woblubowanej zarjadowani za dźěći a młodźinu w běhu lěta. Zaměr je, zo bychu młodostni a dźěći nawuknyli, so intensiwnje z maćeršćinu rozestajeć a so w maćernej rěči zwuraznić.