Přehlad nowinskich zdźělenkow Załožby
Zapósłanc Kühn Serbow dale podpěra
Budyšin,
Zapósłanc Zelenych w Zwjazkowym sejmje Stephan Kühn a direktor Załožby za serbski lud Jan Budar zetkaštaj so wutoru na dźěłowu rozmołwu. W srjedźišću steješe nowe finančne zrěčenje, kotrež ma wot 2021 srědki za zmištrowanje přichodnych wužadanjow kaž marketing, dorost a digitalizacija zaručić.
Z dźakom hódnoći so zakótwjenje serbskich zajimow do pjatk wobzamknjeneho zakonja k strukturnej změnje. Zhromadnje ze zastupjerjemi krajneho dźěłoweho zjednoćenstwa "Serbske žiwjenje" sakskich Zelenych přilubi Kühn, tež w přichodźe zajimy Serbow podpěrać.