Přehlad nowinskich zdźělenkow Załožby
Załožba w socialnych medijach
online,
Instagram-Profil der Stiftung
Socialne medije su za spěšne šěrjenje informacijow z wulkim dosahom dźeń a wažniše. Su při tym klasiske medije, kaž nowiny a radijo w spěšnosći dawno přesćahnyli. Tež załožba je mjeztym na někotrych kanalach w socialnych syćach zastupjena. Tu chcemy wosebje:
- relewantne informacije spěšnje a na (młode) cilowe skupiny přiměrjene sposrědkować
- znatosć a widźomnosć załožby stopnjować a sympatiju za nju powyšić
- "instituciju załožba" sčłowječić a ludźom zbližić
- direktnu interakciju a komunikaciju ze cilowymi skupinami přewjesć a n.př. prašenja wotmołwić a předsudki wottwarić
- aktiwnišo za naše spěchowanske programy a dźěłowe městna wabić
Facebook
Z oktobra 2016 je załožba na Facebooku aktiwna. Z toho časa smy hižo přez 440 přinoškow wozjewili a dźělili. Tuchwilu mamy nimale 670 sćěhowarjow (follower). Najwuspěšniši přinošk dotal bě jutrowny postrow 2021, kiž docpě wjace hač 15.200 wosobow a wubudźi přez 1000 reakcijow. W přinošku pokazaja so fota młodeju holcow w serbskej drasće Błótow, kiž du po jutrownu wodu.
Instagram
19. oktobra 2021 k 30. róčnicy załožby startowachmy ze swójskim accountom na Instagramje. Mjeztym mamy přez 300 sćěhowarjow, smy hižo wjace hač 60 přinoškow a widejow kaž tež tójšto storyjow wozjewili. Při tym je so najwuspěšniši widejo – wabjenje za přichodnu delnjoserbsku schadowanku - dotal wjace hač 2400 razow wobhladał. Wosebje mjezsobna podpěra Instagram-wužiwarjow při šěrjenju (serbskich) informacijow nas při tym přeco zaso překwapi.
Youtube
Tež na Youtube ma załožba swójski kanal z 149 abonentami. Wobhladać móža so tu wšelake wideja: wot serbskich rejow a koncertow přez techniske zarjadowanja a programowy schadźowankow hač k dobyćerjam SPTWS 2020 (“Serbski poskitk tydźenja w syći”).
Businessowej portalej LinkedIn a Xing
We wobłuku personalneho marketinga je załožba jako dźěłodawar tež na portalomaj LinkedIn a Xing zastupjena.
Wam dotal njeje załožbowe dźěło w socialnych medijach hišće napadnyło? Potom klikńće tola na wotkazy, sćěhujće nas we wotpowědnych kanalach a zwjazajće so z nami! Wjeselimy so přez kóždu podpěru!