Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Přehlad nowinskich zdźělenkow Załožby

 

Z dźensnišeho posedźenja Załožboweje rady

Budyšin,

Prěnje projekty we wobłuku sakskeho spěchowanskeho programa "Serbska rěč a kultura w strukturnej změnje" móža startować

Dźěle dnjoweho porjada posedźenja załožboweje rady přestorčene

Na přeprošenje a pod nawodom předsydki załožboweje rady Susann Šenkec, schadźowaše so na dźensnišej wutorje rada Załožby za serbski lud.

Jedyn z wažnych dypkow dnjoweho porjada bě wobzamknjenje wo spěchowanju zapodatych naprawow we wobłuku spěchowanskeho programa "Serbska rěč a kultura w strukturnej změnje" za projekty w Swobodnym staće Sakskej.

Załožbowa rada sćěhowaše doporučenje přirady k sakskemu spěchowanskemu programej a wobzamkny, wot lěta 2022 najprjedy tři z cyłkownje dźesać zapodatych naprawow spěchować.

Tute maja so při tym wosebje w natwarnej fazy monitoringej podstajić. Na zakładźe mjezydopokazow maja so při tym wobsahi projekta wótřić, financne planowanje optiměrować kaž tež móžnosće kooperacije a synergije zwěsćić. Zbywace sydom zapodatych projektowych próstwow so nošerjam projekta k předźěłanju a wudospołnjenju wróća.Załožbowy zarjad jich při tym poradźujo podpěra.

Informacije wo stawje spěchowanja naprawow ze strukturnych srědkow w kraju Braniborskej bjerješe załožbowa rada jenož na wědomje. Spěchowanje braniborskich projektnych předewzaćow bě załožbowa rada hižo na nazymskim posedźenju 2021 wobzamknyła.

Wostatne dypki dnjoweho porjada posedźenja buchu přestorčene, dokelž wudachu so krótkodobnje hłuboko sahace prašenja, kotrež dyrbja so znowa wothłosować a rozrisać. Posedźenje rady so spočatk julija pokročuje.

protokol wobzamknjenjow rady (předleži jenož w němskej rěči)