Štwórtk, dnja 3. oktobra w 19.00 hodź. wotewri so w Koroška galeriji likovnih umetnosti (KGLU) w Slovenjim Gradecu wustajeńca "Wobrazy krajiny. Podobe pokrajine". Z tym dožiwi 3-krajowy wuměłstwowy pućowanski projekt w nošerstwje Załožby za serbski lud a w zhromadnym dźěle ze Serbskim muzejom w Budyšinje a dalšimi partnerjemi swoje pokročowanje. W słowjenskej galeriji jako druhej staciji je přehladka hač do 8. decembra 2019 přistupna.

Za čas wustajeńcy we Łužicy wot 26.05. do 25.08.2019 bě něhdźe 3 000 wopytowarjow Serbski muzej wopytało a sebi zdobom wuměłske twórby k změnje krajiny wobhladało.

Wot 22. januara 2020 pokazaja so twórby dale w Muzeju moderneho wuměłstwa w korutanskim Celovecu. Poslednja stacija naročneho projekta ma wot 5. junija 2020 Serbski muzej w Choćebuzu być.

Čitajće wjace k projektej pod www.krajiny-2019-2020.info