Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Wy maće inowatiwnu a naslědnu ideju, kak móže so we Wašej wokolinje nałožowanje serbskeje rěče a identity we wšědnym dnju spěchować? Potom wobdźělće so na našim idejowym wubědźowanju!
Nětko ideju zapodać

Přehlad nowinskich zdźělenkow Załožby

 

Wupisanje dźěłoweho městna za domownika

Budyšin,

W imobilijowym zarjedźe Załožby za serbski lud ma so k 01.01.2022 městno domownika (m/ž/d) na wobmjezowany čas dweju lět wobsadźić.

Nadawki su dźěła domownika kaž zaručenje domoweho porjada a wěstoty, dohladowanje techniskich připrawow, małe reparatury, transporty, rjedźenje, hladanje a sporjadkowanje Serbskeho domu a ležownosćow dalšich serbskich institucijow.

Wuměnjenja za požadanje su:

  • wotzamknjene wukubłanje rady jako elektrikar, alternatiwnje w druhim twarskim abo rjemjeslniskim powołanju
  • powołanske nazhonjenja, wosebje we wobchadźe z techniskimi nastrojemi, kotrež su za wobhospodarjenje imobilijow trěbne
  • wosebita kmanosć samostatneho dźěła
  • jězbna dowolnosć a
  • wobknježenje serbskeje rěče.

Dźěłowe městno je Budyšin. Dźěłowy čas wučinja 40 hodźin wob tydźeń. Mzda płaći so po TV-L.

Pisomne požadanje z trěbnymi podłožkami pósćelće prošu hač do 24.09.2021 digitalnje nastiftung-bautzen@sorben.com abo z póštu na Załožba za serbski lud, Póstowe naměsto 2, 02625 Budyšin.