Tež w lěće 2020 pućuje dnja 26. meje 2019 w Budyšinje zahajeny třikrajowy wuměłstwowy projekt "WOBRAZY KRAJINY, PODOBE POKRAJINE. BILDER EINER LANDSCHAFT. WOBRAZE KRAJINY. Přechod. Prehod. Übergang. Pśechod 03" dale.

Srjedu, dnja 22. januara 2020, wotměje so wernisaža w Muzeju moderneho wuměłstwa Koroška (Museum Moderner Kunst Kärnten - MMKK) w Celovcu/Klagenfurt (Awstriska).

Wustajeńca twórbow tworjacych wuměłčow/wuměłcow z Němskeje - nominowanje sta so we wobłuku přez Załožbu za serbski lud w lěće 2018 wupisaneho wubědźowanja -, Słowjenskeje a Awstriskeje je tam hač do 12. apryla 2020 přistupna.

Literarnej čitani z Anju Golob (Słowjenska), Lubinu Hajduk-Veljkovićowej (Němska) a Cvetku Lipuš (Awstriska) budźetej 12. měrca 2020 w Musilowym domje (Musil-Haus) w Celovcu a 13. měrca w Café Stöckl w Pliberku/Bleiburg.

Koncertaj z twórbami serbskich komponistow dnja 1. apryla 2020 w Celovcu a 2. apryla

2020 w Slovenj Gradecu (Słowjenska) wuměłstwowy projekt skulojćitej. Poslednja stacija třikrajoweho projekta je Choćebuz/Chóśebuz.

přeprošenje, MMKK, Klagenfurt/Celovec

Čitajće wjace k projektej pod www.krajiny-2019-2020.info