Wčera wječor, 03.12.2020, wotmě so digitalne posedźenje fachoweje přirady za projektowe spěchowanje Załožby za serbski lud, kotrejž přisłušeja serbscy radźićeljo Załožboweje rady. Zhromadnje z někotrymi sobudźěłaćerjemi zarjada předstaji direktor fachowej přiradźe cyłkownje 92 předležacych próstwow za cyłe abo prěnje połlěto 2021, radźićeljo wotedachu doporučenja za dalše postupowanje.

Mjez próstwami su znowa tójšto, kiž su so hižo w zašłych lětach spěchowali, kaž na př. wuměłski nawod za 12 chórow, 6 rejowanskich skupin/ansamblow a 3 lajske dźiwadłowe skupiny, kaž tež te abo tamne próbowe lěhwo. Zapodali su pak so tež wšelake mjeńše a wjetše zarjadowanja, dźěłarnički kaž tež někotre wulkoprojekty (na př. Serbska pop-opera).

Doporučenja gremija so nětko w zarjedźe pruwuja, próstwystajerjo so potom wo móžnym spěchowanju informuja.

Termin za zapodaće próstwow za druhe połlěto 2021 je 31.03.2021.