Předsydka Załožboweje rady wita dweju noweju sobustawow

Terminy za 2022

Wotnětka skutkujetej knjeni Brigitte Faber-Schmidt a dr. Jürgen Rühmann jako nowej sobustawaj Załožboweje rady Załožby za serbski lud.

Dr. Jürgen Rühmann, něhdyši zarjadniski a financny sudnik kaž tež dołholětny zastupowacy předsyda Sakskeho wustawoweho sudnistwa naslěduje Marka Dźisławka jako zastupowacy sobustaw Załožboweje rady zastupjerjow serbskeho ludu w Sakskej.

Knjeni Faber-Schmidt, wotrjadna wjednica kultury w Ministerstwje za wědomosć, slědźenje a kulturu Braniborskeje wobsadźi po kabinetowym wobzamknjenju druhe městno Kraja Braniborska w Załožbowej radźe, hromadźe ze Statnym sekretarom Tobias Dünow.

"Wjeselu so na sobuskutkowanje dweju noweju kompetentneju sobustawow w Załožbowej radźe a powitam wobeju cyle wutrobnje", rjekny Susann Šenkec, słužbuwukonjaca předsydka Załožboweje rady.

W prěnim połlěće 2022 přihotuje Załožba wosebite posedźenje Załožboweje rady za měrc (01.03.2022) a prawidłowne nalětne posedźenje za meju (24.05.2022).

Aktualna zestawa Załožboweje rady pod: stiftung.sorben.com/hornjoserbsce/zalozba/struktura