Znowa běštaj Lubina a Dušan Hajduk-Veljković na literarnu dźěłarničku w nošerstwje Załožby za serbski lud prosyłoj.

Tónraz stejachu krótke słuchohry za dźěći w srjedźišću. Dźěłarnička wotmě so sobotu, dnja 16. měrca 2024 w Budyskim Serbskim domje. Pjeć awtorkow so na njej wobdźěli. W předpolu běchu krótke sceny a ekspozeje jako zakład dalšeho rozjimanja zapodali. Z hosćom bě nazhonity rozhłosownik Lucian Kubica, kiž rozprawješe wo nastaću słuchohry na přikładźe hižo wusyłanych přinoškow.

Lětsa w septembru ma so z tematiku na dalšej dźěłarničce pokročować.