Corona-pandemija je naš wšědny dźeń dospołnje změniła. Dźěći su cyły dźeń doma a mnozy dorosćeni wot doma dźěłaja, někotři jich poprawne nadawki tuchwilu scyła spjelnić njemóža.

W času chětro wobmjezowaneho socialneho kontakta su digitalne poskitki woblubowana wotměna. A dokelž wuwabi samota a měr tójšto kreatiwity, nastawaja w tychle tydźenjach tež mnoho nowych serbskorěčnych digitalnych poskitkow. Tutu prócu mnohich jednotliwcow sej jara wažimy a chcemy jich z tym podpěrać, zo jich poskitki šěrimy.

Jako wosebity pohon spožći naša jury (załožba, SERBSKE NOWINY a Serbski rozhłós (MDR)) kóždy tydźeń jednemu poskitkej wosebite myto.

Hlej https://info.sorben.com/se/sptws/

SPTWS 2020 - Serbski poskitk tydźenja w syći