... friziskim městačku w Nižozemskej, kotrež je lětsa kulturna stolica Europy.

Serbja sćěhuja z tym přeprošenju Frizow a Afûk, institucije za frizišćinu, a pjelnja wot njedźele, 24.06. do njedźele, 1.07.2018 pawljon rěčow "Home of Languages" w parku Prinsentuin ze serbskej rěču, (pohibliwymi) wobrazami a zwukami. Zhromadnje z Domowinu a druhimi serbskimi institucijemi staratej so Załožba za serbski lud a Serbska kulturna informacija (SKI) wo to, zo by so prezentacija poradźiła a zo bychu wopytowarjo prawje wjele a zajimaweho wo Serbach a jich rěčomaj zhonili a so zhromadne dźěło ze Zapadnymi Frizami pohłubšiło.

Telewizija mdr z wusyłanjom WUHLADKO prěnje dny Serbskeho tydźenja přewodźa a z Ljouwerta/Leeuwardena rozprawja. Němsko-Serbske ludowe dźiwadło sćele elewku tam, kotraž budźe sej z dźěćimi jako Tśmjelojc Hana w krótkim dźiwadłowym kruchu "Tśmjelojc Hana co pomagaś" pobjesadować. A dokelž njesmě hudźba na tajkej prezentaciji pobrachować, zaklinča na wšelakich dnjach serbske melodije z Delnjeje a Hornjeje Łužicy.

Za zaběru z rěču su interaktiwne hry planowane, zajimcy móža so mjezdruhim tež z kompjuterowym programom "Serbsce wuknyć online" wuspytać a w Płomju listować. Wot Ludoweho nakładnistwa Domowiny steji sep delnjo- a hornjoserbskich (dźěćacych) knihi k dispoziciji.

Někotre wjerški z programa w Leeuwardenje:

njedźela, 24.06.2018
... přewzaće stafloweho štabika za swójsku prezentaciju wot Irskeje
hudźbne wobrubjenje: delnjoserbsko-němska skupina Kula Bula, kotraž hraje lóštnu hudźbu, mjez druhim bossa nova, swing, jazz, ...

wutora, 26.06.2018
... předstajenje dźiwadłoweho krucha "Tśmjelojc Hana co pomagaś" z Katarinu Krygarjec w delnjoserbšćinje a nižozemšćinje

srjeda, 27.06.2018
... steji pod temu: kofejownja rěčow
wospjetuje so předstajenje dźiwadła,
team mdr, wusyłanja "WUHLADKO" , je na wopyće a rozprawja live,
hry a zaběra ze serbskej rěču, (na přikład "Serbsce wuknyć online")
producentka Angela Schuster předstaji jeje krótkofilm "Zmij"

štwórtk, 28.06.2018
... wječorna hudźba z Janom Brězanom, znateho ze skupiny JANKAHANKA

sobota, 30.06.2018
... swójbny dźeń
hry a zaběra ze serbskej rěču a poskitk nawuknjenja bosěrowanja jejkow
wječorna hudźba z Janom Brězanom, Julianom Bulankom a Symanom Pawlikom z Łužicy

njedźela, 01.07.2018
... přepodaće stafloweho štabika Baskam

Přez cyły čas poskića so dožiwjenje wosebiteho, cyle načasneho razu: pohladnjenje přez specialne 360°-VR nawoči na krótke wideja wo mejemjetanju a putnikowanju Swjatki póndźelu do Róžanta.

Kontakt za naprašowanja:

Załožba za serbski lud
Hanka Budarjowa
telefon: 03591 550330
h.buder-stiftung@sorben.com
stiftung.sorben.com