Serbscy zastupjerjo Załožboweje rady wuradźowachu pjatk a sobotu na swojej klawsurje, kak móhło so spěchowanje w přichodźe sylnišo na priority wusměrić.

Wosebity fokus ležeše na regionalizaciji skutkowanja a skrućenju rěčnych rumow a serbskeje identity. Proces wothłosowanja ma so hač do nazymy zakónčić, zo bychu so konkretizowane naprawy při nastajenju hospodarskeho plana 2021 wobkedźbować móhli.

Załožba za serbski lud wočakuje wot lěta 2021 nowe finančne zrěčenje a přiměrjene zwyšenje přiražkow.