31. měrca 2024 je so doba za zapodaće próstwow wo projektowe spěchowanje za projekty w 2. połlěće 2024 skónčiła.

W załožbowym zarjedźe su dóšli próstwy za cyłkownje 70 projektow. Spěchowanski wolumen wučinja někak 332 TEUR.

Mjezdruhim su tute projekty planowane:

• Chóśebuska muzikowa nazyma z.t. planuje hudźbne čitanje "Mina Witkojc" w Serbskim domje w Choćebuzu, kiž wěnuje so na wosebite wašnje žiwjenju, skutkowanju a tworjenju delnjoserbskeje basnicy a publicistki MINA WITKOJC
• Domowina župa Dolna Łužyca z.t. chce organizować młoźinski dialog: w oktobru ma so wotměć młodźinski dialog, z dźěłarničku z ćežišćom "serbski se woblekas", wiki móžnosćow (serbske institucije so předstajeja) kaž tež z rozmołwnym kruhom
• Bramborski krajny muzeum za moderne wuměłstwo Chóśebuz planuje wudać katalog k wustajeńcy Helle Stoletzkojc
• Pětr Dźisławk (Serbska murja) chce so zaběrać z temu "Kwisk a trysk 2024"
• ravir film GbR je zapodała próstwu wo podpěru zarjadowanja "Kak klinči domizna?" - koncert, film, rozmołwa
• Jan Brězan / JANKAHANKA planuja nahrawanje noweho albuma

Nimo toho předleža próstwy za wjacore klasiske koncerty: Malte Hübner, Roland Hein, Heidemarie Wiesner, Belvedere Kammerensemble

Po pruwowanju zapodatych próstwow w zarjedźe a po posedźenju fachoweje přirady za projektowe spěchowanje, kotraž doporučenja k spěchowanju projektow formuluje, zhonja próstwarjo w přichodnych tydźenjach, hač so jich projekt spěchuje abo nic.