Přehlad nowinskich zdźělenkow Załožby
Projektowa přirada skonstituowana
Projektowa přirada Załožby za serbski lud je so 1. decembra 2017 k swojemu prěnjemu posedźenju zešła, zo by wo zapodatych próstwach za lěto 2018 rozsudźiła a wotpowědne doporučenje wotedała.
Cyłkownje bě so 83 projektowych próstwow zapodało a pruwowało. Za přewažnu wjetšinu je přirada spěchowanje doporučiła. Cyłkowna suma spěchowanja zapodatych projektow wučinja přez 750 000 eurow. Wulki dźěl z toho nałožuje so za projektowych managerow, spěchowanje serbskich a Witaj-pěstowarnjow w Hornjej a Delnjej Łužicy, za wudawanje časopisow "Katolski Posoł" a "Pomhaj Bóh" a wuměłski nawod lajskich chórow a rejowanskich skupinow.
Mjez próstwami, kotrež bě přirada k spěchowanju doporučiła, su tež nowe projekty, kiž so w tutej formje dotal hišće spěchowali njejsu.