Přehlad nowinskich zdźělenkow Załožby
Nowa wersija znateje app „soblex - Prawje pisać“ wušła
Budyšin,
Nowa wersija app "soblex - Prawje pisać" je wušła a steji wotnětka w Google Playstore za androidne systemy k dispoziciji.
App skići přistup k wobsahej słownika pod soblex.de, štož je samo bjez interneta móžno. Prěnja wersija app za androidne systemy bu w nadawku Załožby za serbski lud hižo 2017 wozjewjena.
App so zaktualizowa, zo bychu so přichodnje dalše typy słownikow podpěrać móhli. Za to wobnowichu so trěbne zwjazowace městna a formaty, předewšěm za wužiwanje offline-modusa.
Nowa wersija 1.2. skići slědowace nowostki we wobstatku offline-datow:
- 66.000 zapiskow pokazaja na pytanje w dwuzwjazkowym němsko-serbskim słowniku z lěta 1989/91 (red. Helmut Jenč)
- 2000 zapiskow w słowniku němsko-serbskeje datoweje banki eksonymow (hlej https://www.serbski-institut.de/os/Geografiske-mjena-hornjoserbsce )
- 11.500 přidatnych serbskich słowow
Lětsa ma so tež hišće app "Prawje pisać" za dźěłowy system iOS wobnowić.