"Słyš, ludo serbski, nowa doba kiwa!", přiwoła młoda skupina Nowa Doba swojemu připosłucharstwu a čitarstwu. Florian Kießlich (FloJ), Pětr Dźisławk (Lil Handrij) a Syman Hejduška (SMAN) su 13 nowych titlow, zdźěla z wužićom staršich spěwow (sampling) za prěni serbski hip-hop-album produkowali. Při tym podpěrali su jich hosćo kaž spěwarka Greta Čórlichec, skupiny Trojozynk, Přezpólni a Wólbernosće, rěčnik Beno Bělk a mnozy dalši.

Nastała je hudźbnje a tematisce pisana zběrka, kiž swědči wo sylnym serbskim sebjewědomju młodych rapperow, wo načasnej hudźbje, kiž do přichoda pokazuje, ale tež wo česćownosći napřećo staršim hudźbnikam-mištram. Njech su tu mjenowani Günther Schwientek, Rüdiger Fournee a Měrćin Weclich.

© Załožba za serbski lud
wudawaćel: skupina Nowa Doba

CDjka je w serbskimaj kulturnymaj informacijomaj, SKI w Budyšinje a w LODCE w Choćebuzu, na předań.