Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Přehlad nowinskich zdźělenkow Załožby

 

Nowa CD Rjana Łužica – Rědna Łužyca – Lausitz, schönes Land wušła

Budyšin,

Na zynkonošaku předstaja so serbska hymna w hornjoserbskej, delnjoserbskej a němskej wersiji. Nahrawało je so nowe wobdźěłanje Oksany Weingardt za mały komorny orchester ze studentami Drježdźanskeje Wysokeje šule za hudźbu "Carl Maria von Weber" a dalšimi hudźbnikami. Jako spěwarja-solista słyšiće Geralda Schöna. CD pak nima serbsku hymnu jenož dokumentować, ale tohorunja do spěwanja pohnuwać; tuž namaka zajimc na njej tež instrumentalnu wariantu.

Pěseń "Rjana Łužica" předstaji so prěni raz dnja 17. oktobra 1845 w Budyšinje na prěnim serbskim spěwanskim swjedźenju. W lětach po swjedźenju bywaše spěw dale a woblubowaniši a sta so tak ze serbskej hymnu. Wučer a etnograf Hendrich Jordan tekst pozdźišo do delnjoserbšćiny přełoži a spisowaćel Kito Lorenc přebasni jón do němskeje rěče.

Tekst: Handrij Zejler
Kompozicija: Korla Awgust Kocor
Wobdźěłanje a wuměłski nawod: Oksana Weingardt
Solist: Gerald Schön

Wudawaćel: Załožba za serbski lud

Płaćizna: 6,90 €