Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Přehlad nowinskich zdźělenkow Załožby

 

Nošerjo projektow strukturneje změny so zetkali

Budyšin,

Pjatk, dnja 7. oktobra 2022 zetkachu so nošerjo třoch projektow w Sakskej, kotrež su so w juliju 2022 wot Załožboweje rady we wobłuku spěchowanskeho programa „Serbska rěča a kultura w strukturnej změnje“ schwalili. Su to Domowina, Serbske šulske towarstwa a Staršiska iniciatiwa Radwor.

W srjedźišću steješe mjezsobna informacija wo stawje přihotow a wothłosowanje dalšeho planowanja a móžnych kooperacijow. Załožbowy zarjad informowaše nošerjow wo tym, zo njepředleži hišće přizwolenje ze stron Zwjazka, čehoždla tež Załožba hišće přizwolić njemóže.

Pozitiwny signal bě ze Zwjazkom dojednana móžnosć přenjesenja njewužiwanych srědkow do slědowacych lět, štož fleksibelnosć za projektnych nošerjow zwyši.

Za spěchowanski program steja wot 2022 do 2038 lětnje 2,5 mio. eurow k dispoziciji, dla pozdźe wobzamknjeneho hospodarskeho plana Zwjazka za lěto 2022 móžeše so program hakle k 01.07.2022 zahajić.

Dalše informacije k spěchowanskemu programej namakaće tu.