Zwjazkowe předsydstwo Domowiny namołwja serbske zjednoćenstwa, hač do 1. nowembra 2018 namjetować kandidatow za wuzwolenje serbskich zastupjerjow ze Sakskeje do rady Załožby za serbski lud na dobu 2019-2023. Namjety z wotpowědnym wopodstatnjenjom a z wupjelnjenym naprašnikom kandidatki/kandidata přijimuje zarjad Domowiny, Póstowe naměsto 2, 02625 Budyšin. Wuměnjenja za kandidaturu su mjez druhim wólbokmanosć po wólbnym zakonju Sakskeje, wuznaće přisłušnosće k serbskemu ludej a wobknježenje serbskeje rěče.
Naprašnik a dalše informacije su wozjewjene pod www.domowina.de.

W Braniborskej namołwja Serbska rada wšitke serbske towarstwa a zjednoćenstwa, kandidatow a kandidatki za tute zamołwite čestnohamtske dźěło pomjenować. Hlej delnjoserbska strona załožba/struktura.