Mytowanske zarjadowanje literarneho wubědźowanja přewjedźe so pjatk, dnja 19. januara 2018 w Budyskim hosćencu "Wjelbik". Wubědźowanje, kotrež so k prěnjemu razej hižo před něhdźe 40. lětami wotmě, so znowa zhromadnje wuhotowaše wot Ludoweho nakładnistwa Domowina a Załožby za serbski lud.

Mjez prošenymi hosćemi bě tójšto młodych pisacych, kotřiž prěni króć literarnu twórbu zapodachu, ale tež někotryžkuli, kiž so wospjet wobdźěli. Dohromady 39 přinoškow wot 22 awtorow měješe jury hódnoćić. W njej skutkowachu Madleńka Šołćic, dramaturgowka NSLDź a zastupjerka intendanta za serbske dźiwadło, Lubina Hajduk-Veljkovićowa, awtorka a přełožerka z Lipska, Ingrid Hustetowa, awtorka a lektorka z Choćebuza, Pětr Thiemann, lektor za rjanu literaturu w nakładnistwje a ze stron załožby John Petrik.

Dobyćerjo

Kategorija A (basnje, lyriska proza: 7 awtorow, 18 přinoškow)

1. myto: Annamaria Hadankec z Kopšina za basnje "Tehdy swěćeše słónco", "Njejapcy so zasměje", "Darmotny wellness", "Trawa" a "Swětła nitka"

2. myto: Pětr Dźisławk z Chasowa za basnje "Blečk raja", "Bladowa balada", Haslow" a "Hordosć"

3. myto: Judith Handrikec ze Serbskich Pazlic za baseń "... ?"

4. myto: Damian Dyrlich z Noweje Wjeski za basni "Měnić" a "Zetkanje w sćinje měsačka"

5. myto: Božena Hojerec z Jaseńcy za baseń "Nóc"

Kategorija B (krótka proza: 14 awtorow, 15 přinoškow)

1. myto: Clemens Bobka z Miłoćic za krótkopowědančko "Žonje"

2. myto: Halina Pohončec z Wotrowa za krótkopowědančko "Puć"

3. myto: Luiza Šubertec z Kamjenca za krótkopowědančko "We wokomiku jeničkim"

4. myto: Michał Donat z Chrósćic za krótkopowědančko "Terminy"

5. myto: Cecilija Neterec z Njeswačidła za krótkopowědančko "Pózdnje lěćo"

Kategorija C (dlěša proza, dramatika: 6 awtorow, 6 přinoškow)

1. myto: so njespožči

2. myto: Annamaria Hadankec z Kopšina za powědančko "Blečk"

3. myto: Julia Šnajderjec z Pančic-Kukowa za powědančko "Tróšku wopačny přidawk"

4. myto: Božena Hojerec z Jaseńcy za powědančko "Kwadratiski wobrazk"

5. myto: Pětr Dźisławk z Chasowa za powědančko "Anika"

Wosebite myto (za najlěpši přinošk wobdźělnika/cy pod 16 lětami) spožči so Filomenje Kurjatec ze Šunowa jako wosebite knižne myto za krótkopowědančko "Tuta mysl přeměni wšitko!"