Přehlad nowinskich zdźělenkow Załožby
Literarna dźěłarnička
Budyšin,
Znowa běštaj Lubina a Dušan Hajduk-Veljković na literarnu dźěłarničku w nošerstwje Załožby za serbski lud prosyłoj. Štyrjo młodźi awtorojo a awtorki přeprošenje sćěhowachu.
Zhromadna zaběra ze swójskimi krótkopowědančkami wobdźělnicow a wobdźělnikow měješe nowe ideje, metody, pisanske strategije a techniki wotkryć.
Dźěłarnička wotmě so sobotu, dnja 16. septembra 2023 w Budyskim Serbskim domje a nawjazowaše na prěnju dźěłarničku, kotraž přewjedźe so lětsa w měrcu. Zajimcy zapodachu w předpolu swójske teksty, kotrež tworjachu zakład za rozjimanje a diskusiju.