Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Přehlad nowinskich zdźělenkow Załožby

 

Literarna dźěłarnička 2024 z Lubinu a Dušanom Hajduk-Veljkovićec

Budyšin, Serbski dom,

Wutrobnje was přeprošujemoj na přichodnu literarnu dźěłarničku w nošerstwje Załožby za serbski lud!

Tónraz chcemy so krótkim słuchohram za dźěći wěnować. Zawěsće znajeće rańše dźěćace wusyłanja, w kotrychž jewja so wjelestronske małe słuchohry. Ja sama sym před dołhim časom z nimi započała prawidłownje pisać a móžu to jenož doporučić.

Planujemoj, zo ma kóždy wobdźělnik / kóžda wobdźělnica na kóncu krótku seriju słuchohrow (10 pokročowanjow) po swójskich idejach. Chcemoj wam pokazać, na čo maće při tym dźiwać a što je wšitko móžne. Słuchohry su jara kreatiwny žanr, dokelž so zwuki sobu zapřijeja a su žiwe wot dialoga a jednanja.

Za to změjemy dwaj terminaj. Prěni budźe sobotu, 16. měrca 2024, wot 9.30 hodź. - 17 hodź. w Budyšinje w Serbskim domje. Druhi termin sej zhromadnje wučinimy.

Přizjewće so prošu hač do 6. januara 2024 pod e-mejlowej adresu j.petrick-stiftung@sorben.com

Potom dóstanjeće prěnje informacije a nadawki. Prošu wužijće tež swobodny čas mjez lětomaj za zběranje idejow a nastorkow.

Wašej Lubina a Dušan Hajduk-Veljkovićec