Pod hesłom "Spěwy klinča – bórze zas" wotmě so pjatk, dnja 26. awgusta 2022 w Budyskim Serbskim domje dalša literarna dźěłarnička. Nawjaza na prěnju dźěłarničku lětsa w měrcu. Lubina a Dušan Hajduk-Veljković ju znowa nawjedowaštaj. Zajimcy mějachu w předpolu spěwne teksty zapodać, swobodny swójski tekst a dalši na hižo eksistowacu melodiju. Teksty tworjachu na dźěłarničce zakład za dalše rozjimanje, diskusiju a pokiwy. Třo młodźi awtorojo so wobdźělichu.