Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Přehlad nowinskich zdźělenkow Załožby

 

Kurt Biedenkopf, prěni ministerski prezident Swobodneho stata Sakska, zemrěł

Budyšin,

Kurt Biedenkopf, politikar CDU a prěni ministerski prezident Swobodneho stata Sakska wot 1990 hač do lěta 2002, je minjeny štwórtk zemrěł.

Załožba za serbski lud: "Kurt Biedenkopf běše za Załožbu za serbski lud, kotraž swjeći lětsa 30 lět jeje wobstaća, takrjec muž prěnjene hodźiny. Wón je załoženske pismo załožby dnja 19.10.1991 podpisał a z tym zakład za dźensniše spěchowanje tworił. Česćimy sej jeho angažement za Serbow."

Dawid Statnik, předsyda Domowiny: "Kłonimy so před politiskim žiwjenskim skutkom muža, kiž je strony přesahowace připóznaće žnjał. K jeho čas žiwjenja hajenemu zmysłej za inowaciju słuša tež, zo běše jako sakski ministerski prezident jedyn z pućrubarjow za Załožbu za serbski lud. Z tym je wón sobu fundamenty za postup spěchowanja kładł, kotrež je runje w dobje změny strukturow na dobro serbskeho ludu."
hlej tež strona DOMOWINY