W dojutrownym času wotewrějemy Serbsku kulturnu informaciju (SKI) w Budyšinje přidatnje kóždu sobotu wot 9 do 13 hodź. Nimo jutrownych jejkow poskićamy wam wjele rjanych darikow k jutram.

Kóždeho, kiž chce so raz sam w debjenju jejkow wuspytać, přeprošujemy na naše sobotniše dźěłarnički 11.03., 18.03., 25.03 a 01.04. Wobdźělenje płaći 5,- € na wosobu. Přizjewće so za to prošu telefonisce w SKI pod čisłom 03591/42105 abo přez mejlku na stiftung-ski@sorben.com Tu dóstanjeće tež nadrobniše informacije k dźěłarničkam.

Na jutrownej soboće, 08.04. wotmějemy za wšitkich wotewrjenu dźěłarničku – pokazamy wam techniku bosěrowanja a wóskowanja. Tež křižer budźe přitomny, kiž wo nałožku jutrowneho jěchanja rozprawja a na waše prašenja wotmołwja.