Załožba za serbski lud je 22. meje 2023 wubědźowanje idejow „Rěč zwjazuje. Rěc zwězujo. Sorbisch verbindet“ (2023) wupisała. Zaměr wubědźowanja je, zwoprawdźenje projektow a iniciatiwow spěchować, kotrež so ze serbskej rěču a kulturu na originelne wašnje, regionalnje skutkownje a směrodajnje zaběraja. Wosebity wuznam ma při tym žiwa dwurěčnosć.

Hač do 25. julija 2023 móžachu towarstwa, komuny, gmejny, institucije, priwatne wosoby a druzy nošerjo swoje ideje zapodać.

12-čłonska jury, kotraž bu wot Załožby za serbski lud na zakładźe namjetow wšelakich towarstwow apriwatnych wosobow powołana, měješe nadawk z cyłkownje 50 zapodaćow 17 wuzwolić, kotrež so zmytowanskim pjenjezom hódnoća.

„Smy so jara nad mnohimi zapodaćemi wjeselili, kotrež wšelakorosć serbskeje kultury špiheluja. Tuž njebě lochko rozsudźić. Nadźijamy so, zo smy runje prawe ideje wuzwolili a přejemy sej, zo wšě projekty – tež njemytowane ideje – swój puć namakaja“, tak statement jury.

Za mytowanje je jury sćěhowace projekty wuzwoliła:

• Koncept za natwar serbskeho „rěčneho hnězda“ w Dešnje (gmejna Dešno-Strjažow)
• Koncept za imagowu kampanju za delnjoserbsku rěč w Braniborskej (DOMOWINA – Župa DolnaŁužyca z. t.)
• Slawiniada - serbsku rěč přesahowacy a słowjanske rěče zwjazowacy šulerski projekt (dr. JanaŠołćina, Budyšin)
• Rěčny kofej a rěčny swjedźeń (Domowina Niederlausitz Projekt gGmbH)
• Animěrowane hudźbne widejo wo serbskich stawiznach (Pětr Dźisławk, Radwor)
• Serbja a socialne syće (Matej Dźisławk, Hodźij)
• Ćežko je wobknježić stat, hišće ćežo wobknježić dźiwadło! Festiwal serbskeho lajskeho dźiwadła.(towarstwo „Bratrowstwo“, dźiwadłowa skupina)
• Nowy rěčny rum za serbske dźěći w Lipsku (Florian Brězan, Lipsk)
• Serbšćina w Zhorjelskim wokrjesu widźomna - z našim nowym časopisom „Žórło” (Domowina –Župa Jakub Lorenc-Zalěski z. t., Slepo)
• Serbski sociokulturelny centrum „Lipa“ w Smjerdźacej – nadźěłanje koncepcije (Serbske šulsketowarstwo z. t.)
• Napoje a jědźe serbsce skazać! (Jan Hrjehor, Ralbicy-Róžant)
• Serbski postrow - wendische Grußkarte (Cindy Janhoefer, Bórkowy – Błota)
• Na slědach našich dźěći w Slepjanskej wosadźe (Domowina – Župa Jakub Lorenc-Zalěski z. t.,Slepo)
• Spěwny žónski kurs slavic folk - „běły hłós“ a serbski spěw (Walburga Wałdźic, Lipsk)
• Lutki w Nowych Wikach (Neupetershainer Geschichten e. V.)
• Seniorowe dźiwadło k temje módroćišć (Romy Fröhlich, Choćebuz)
• Serbski koparski camp za dźěći (Serbske šulske towarstwo z. t.)

Wysokosć mytowanskich pjenjez Załožba za serbski lud hakle na mytowanskim zarjadowanju dnja 17. nowembra 2023 w Budyšinje wozjewi.

Narěčenska partnerka za wubědźowanje je:

Anka Němcec/Niemz
Załožba za serbski lud / Stiftung für das sorbische Volk
Póstowe naměsto / Postplatz 2
02625 Bautzen/Budyšin
+49 (0)3591 550 319
ideenwettbewerb@sorben.com
a.niemz-stiftung@sorben.com