Na fachowu konferencu wjesnjanostki a wjesnjanostow serbskeho sydlenskeho ruma w Swobodnym staće Sakska zašły pjatk, 18. nowembra bě społnomócnjena za serbske naležnosće Halena Jancyna přeprosyła.

Po postrownych słowach krajneho rady Uda Wićaza předstaji Nicole Zimmermannec wot Załožby za serbski lud projektowe spěchowanje załožby.

Franciska Grajcarekec a Jan Kral informowachu wo posłužbach Serwisoweho běrowa za serbsku rěč w komunalnych naležnosćach, kiž je w nošerstwje Domowiny a we Wojerecach zaměstnjeny.

Konferencu zakónči Dr. Jens Baumann, sakski społnomócnjeny za wuhnatych a pózdnich wusydlencow, kiž rozłožowaše spěchowanje k přesadźenju dwurěčnosće w komunach.