Wčera wotmě so w Röhrscheidtowej bašće dalša dźěłarnička k "Serbskemu forumej wědy při Lawskim arealu" w Budyšinje. Pod nawodom architektow wot bogevischs buero (dobyćerski naćisk we wubědźowanju architektow) zeńdźechu so architekća, zatupjer WEP (koordinacija projekta) załožba kaž tež Serbski muzej a Serbski institut jako přichodni wužiwarjo foruma, zo bychu so mjezsobu zeznali.

Dźěłarnička słužeše architektam pak předewšěm tomu, zo bychu přez zeznaće dźěłowych wotběhow a procesow we wotpowědnych institucijach zwiski a naroki za wužiwanje sčasom spóznali a planowanje twara na nje přiměrić móhli.