Hač do srjedy, 31.07.2024, su do załožboweho zarjada dohromady dóšli 41 próstwow wo spěchowanje za lěto 2025.
Su to hłownje próstwy ze spěchowanskim wolumenom nad 10 TEUR a wot toho 3 we wobłuku nowe medije.

Mjez próstwami su tajke wo podpěru za zwoprawdźenje wjetšich zarjadowanjow, kaž na přikład   

• Towarstwo Cyrila a Metoda z.t. (TCM)  /   předstajenje dźiwadłoweje hry „Pasion - Sćěhuj mje",
• Serbske šulske towarstwo SŠT / rěčnej lěhwje za dźěći a młodostnych
• spěchowanske towarstwo „Kommen und Gehen" - Das Sechsstädtebundfestival! z.t.  /   realizacija produkcije "Pohlady - Raum - Augen - Blicke" / multimedialna instalacija

Cyłkownje su próstwarjo wo wjac hač 2 mio. eurow spěchowanja prosyli.
To pak njerěka, zo budźe załožbowy zarjad wšitke próstwy přizwolić móc.

pozadkowa informacija:
Hač do 31. julija maja so kóždolětnje pola załožby zapodać próstwy wo spěchowanje za projekty přichodneho lěta, hdyž je wobjim požadaneje sumy wyši hač 10.000 EUR.
Próstwy za projekty 1. połlěta 2025 ze spěchowanskej sumu pod 10 TEUR maja hišće hač do 30.09.2024 chwile.
Wobšěrne informacije, spěchowanskej směrnicy a aktualne trěbne formulary namakaja zajimcy na internetowej stronje załožby pod https://stiftung.sorben.com.

We wobłuku sakskich strukturnych srědkow stej so nimo běžnych projektow hač do 31.07.2024 dwě nowej próstwje zapodałoj.
Tutej so najprjedy strukturnej přiradźe předpołožitej a Załožbowa rada potom hakle kónc nowembra wo móžnym spěchowanju rozsudźi.