Přehlad nowinskich zdźělenkow Załožby
Digitalna dyrdomdejska hra w serbskej rěči wušła
Online,
Čěska dyrdomdejska hra "Pjeć magiskich amuletow" je so do serbšćiny přełožiła.
W meniju hry móže hrajer mjezdruhim tež mjez hornjo- a delnjoserbšćinu wuzwolić.
Pomoc delnjoserbsce
Holčka Lina móže hornjosersce...
... kaž tež delnjoserbsce rěčeć.
Čěska digitalna dyrdomdejska hra “Pjeć magiskich amuletow” wobsahuje nětko tež hornjo- a delnjoserbski přełožk. Hłowna wosoba dyrdomdeja je młoda holca Linda, kiž dyrbi kralestwo Nyron z pazorow lózeho kuzłarja wuswobodźić. Linda poda so na puć, zo by domiznu wuchowała a pjeć magiskich amuletow namakała. W cyłkownje štyrjoch kapitlach a wjace hač 70 z ruku molowanych scenach zeznajomi so hrajer při tym z nimale 50 charakterami.
Tež hdyž je čěska hra hižo tróšku starša, změja wosebje dźěći a serbsce wuknjacy wjeselo z tutym dyrdomdejom. Darmotna app steji za wšitke mobilne nastroje kaž tež za ličaki z Windows 10 a 11 k dispoziciji. Namakaće ju w digitalnych wobchodach (app store) pod hesłom “Serbske apps”.
Załožba za serbski lud je přełožkaj do serbšćinow spěchowała.