Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Přehlad nowinskich zdźělenkow Załožby

 

CD Kikerahi 2 wušła

Spěwnik z CD "Kikerahi, biło je tři" wuńdźe hižo lěta 2004, tola tež dźensa hišće so rady kupuje. Nětko je Leńka Thomasowa dalšich 33 titlow spěwnika za druhu cejdejku zestajiła, z kotrychž so 18 spěwčkow instrumentalnje wobdźěła a nowo nahrawa.

Na tym sobu skutkowali su dźěći serbskich pěstowarnjow z Budyšina, Chrósćic, Malešec, Rownoho a Worklec kaž tež šulerjo SZŠ Budyšin a horta Pančicy-Kukow. Nowum je, zo su so přidali wšitke 33 playbackow prěnjeje a druheje cejdejki, kotrež su z pomocu Załožby za serbski lud nowe nastali. Dźěćom, wosebje předšulskim, ale tež staršim a kubłarkam předleži z tym spodobny a wšelako wužiwajomny zynkonošak.

wudawaćelej: Załožba za serbski lud a Rěčny centrum WITAJ

płaćizna:12,00 €