Přehlad nowinskich zdźělenkow Załožby
37. Schadowanka w Dolnej Łužycy online
sobota, dnja 27. november 2021 online!
Za wšykne, kenž se ze serbskim zwězane cuju, jo Schadowanka toś to tradicionelne zmakanje w nowembrje. Lěc cośo se na rejach abo k rozgranjanju z pśijaśelami zmakaś, termin za rědowniske zmakanje wužywaś, jadnorje swóju serbsku drastwu pokazaś abo serbsku kulturu zeznaś, za kuždego a kuždu - lěc młode, lěc starše - jo Schadowanka nejlěpša góźba za to.
Młoda serbska kapała "Brankatschki" zegrawaju do reje a zagóruju rejujuce pla koło-teptanja. Nimsko-serbsku fuziju z jazz-popa, klasiki a elektromuziki pśinjaso muzikaŕka "die herrmann" na jawišćo. A gaž hymna "Ty Łužyca Dolna" wót DJ Tobi zazni, su wšykne do sobuspiwanja pšosone.
Link: