Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Přehlad nowinskich zdźělenkow Załožby

 

Serbski Budyšin digitalnje

Budyšin,

Serbski Budyšin digitalnje

"Z našej slědowacej prezentaciju přeprošamy Was wutrobnje, so na puć podać, po Budyšinje dundać a sej tute krasne město za sebje wotkryć. Zawěsće was Budyšin zahori!"

Takle přeprošuje wot zeleneho štwórtka sem nowa internetna strona www.sorben-erleben.de na indiwidualne wjedźenje přez Budyšin a to z pomocu handyja a interneta. Při tym wotkryła so wužiwarjej předewšěm to serbske w Sprjewinym měsće. Z pomocu integrowaneho měšćanskeho plana ma wužiwar móžnosć, cyłkownje 44 stacijow a městnosćow wopytać a sej informacije k jich stawiznam a woznamej wotwołać. Teksty steja w serbskej, němskej a jendźelskej rěči k dispoziciji a wšelake serbske awdijo-dataje skićeja (jenož w serbskorěčnej wersiji wjedźenja) nimo informacijow zdobom dožiwjenje klinčenja serbšćiny.

Za zajimcow su najprjedy raz pjeć tematiskich turow zestajane. Wone zaběraja so na přikład ze serbskim šulstwom, wjedu hosći po slědach serbskich stawiznow, pokazuja na serbske institucije, serbsku kulturu abo na sakralne serbske městnosće w Budyšinje. Ale wězo je kóždy čas móžno, sej turu po swojich zajimach a časowych móžnosćach sam zestajeć.

Online poskitk "Serbski Budyšin" je projekt Załožby za serbski lud, kotryž je Bosćij Benada, fachowc na polu turistiskeho marketinga a managementa, zrealizował. Design a programěrowanje zamołwi Budyske IT-předewzaće azobit GmbH.

Kontakt za naprašowanja:

Załožba za serbski lud
Katharina Čornakowa
Póstowe naměsto 2
02625 Budyšin

telefon: 03591/550 310
cornak-stiftung@sorben.com