Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Přehlad nowinskich zdźělenkow Załožby

 

Nowy społnomócnjeny za digitalizaciju powołany

Budyšin,

Samostatny poradźowar za IT-procesy a digitalne projekty Měrko Šenk z Drježdźan je nowy społnomócnjeny za digitalizaciju pola Załožby za serbski lud. Wotpowědne, hač do kónca 2020 płaćiwe zrěčenje bu dźensa zhromadnje z direktorom Janom Budarjom podpisane.

41lětny hospodarski informatikar ma nadawk, wudźěłać zhromadnje z wodźenskej skupinu zakładny koncept digitalizacije pod zapřijećom dźěła serbskich institucijow a potrjebow serbskeje ludnosće wosebje na polu serbskeje rěče, kultury a medijow.

Do prěnich nadawkow skupiny słuša přihot digitalneje konferency dnja 29. nowembra 2019 w Budyšinje. Na njej maja so prěnje kročele srjedźo- a dołhodobneje strategije kaž tež trěbne inwestiwne naprawy do přichoda rozjimać.