Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Přehlad nowinskich zdźělenkow Załožby

 

Corona-wirus: wosebite rjadowanja za projektne spěchowanje

Budyšin,

Česćeni stajerjo próstwow wo projektne spěchowanje,

hladajo na aktualne wuwića dokoławokoło wirusa Sars-CoV-2 („Corona“) chcu na někotre dypki skedźbnić. Zasadnje njestajamy dowolene dočasne započatki a přizwolenja do prašenja, ale prošu w zwisku z realizo¬wanjom projektow wo wobkedźbowanje slědowacych rjadowanjow.

Wjetše zarjadowanja (koncerty, dźěłarnički, probowe lěhwa atd.) dyrbja so tuchwilu wotprajić. Prošu was, tak spěšnje kaž móžno trěbne storněrowanja přewjesć. Zaměr je, přidatnym kóštam za storno zadźěwać resp. kulancu poskićerja wužić. Alternatiwa k storněrowanju je na př. přesunjenje nóclěhow na pozdźiši termin. Prošu w padźe storněrowanja wo hnydomnu informaciju na wobdźěłarja projekta! Jeli hodźi so dopokazać, zo njeje so kóštam za storno zadźěwać hodźało, tute na zakładźe wotličenja wuwzaćnje jako spěchujomne připóznajemy.

Za projekty, kiž maja dowolnosć dočasneho započatka abo kiž su hižo přizwolene, njesmědźa so (rizika wotprajenja dla) hač do 15.04.2020 zwjazowace skazanki a rezerwacije wotzamknyć. Nadźijamy so, zo budźe situacija po tym jasniša. Zasadnje měło so zamołwiće pruwować, hač so projekty hnydom njewotpraja resp. přesunu (dla rizika za wobdźělenych a wopytowarjow, ale tež dla falowaceho časa přihotow a probow). Eksperća wšak liča tuchwilu z tym, zo docpěje ličba infekcijow swój wjeršk hakle mjez junijom a awgustom 2020! W padźe wotprajenja resp. přesunjenja prošu wo hnydomnu informaciju na wobdźěłarja!

Za spěchowanje běžnych aktiwitow (wuměłski nawod za chóry, rejowanske skupiny atd.) žane wosebite rjadowanja njepłaća. Tu so z wotličenjom zapoda, hdy su so proby woprawdźe wotměli. Tak je na př. tež móžno, nětko wupadnjene proby w nazymje nachwatać.

 

Z přećelnym postrowom / Mit freundlichen Grüßen

Jan Budar
direktor

 

dospołne pismo