Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Přehlad nowinskich zdźělenkow Załožby

 

Akcija „sroka“ k ptačemu kwasej 2019

Budyšin,

Ptači kwas - woblubowany zymski nałožk kiwa a nimo pěstowarnjow a zakładnych šulow hotuja so tež łužiscy pjekarjo na tónle rjanu serbsku tradiciju. W mnoho wobchodach a filialach pjekarnjow nadeńdźeš hižo někotružkuli pječenu sroku abo kremowe hněžko.

Što pak chowa so za tajkim pječwom, abo što woznamjenja "ptači kwas", to něchtóžkuli njewě.

Tomule deficitej chce akcija "sroka", kotraž tuchwilu hač do ptačeho kwasa běži, wotpomhać. Je to zhromadna iniciatiwa Załožby za serbski lud, Budyskeho kluba Lusatia Lions a pjekarskeho zjednoćenstwa wokrjesa Budyšin. Z podaćom informacijow na pjekarskich titach a małych plakatach w pjekarnjach chcemy na zabawne wašnje woblubowany serbski nałožk wšěm tym wobydlerjam a hosćom Hornjeje Łužicy spřistupnić, kotřiž jón njeznaja a jim zdobom tutu parličku serbskeje kultury zbližić.

Wulkotnu grafiku serbskeje "sroki" je zhotowił Stefan Hanuš z Berlina, 100.000 pjekarskich titow je so ćišćało a něhdźe 80.000 su so po skazanju na pjekarnje a jich wobchody w a wokoło Budyšina, Kamjenca a Kulowa rozdźělili.

Kontakt:

Załožba za serbski lud
Hanka Budarjowa
marketing a kooperacije
telefon: 03591 550330, h.buder-stiftung@sorben.com