Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Wupisanja

Literarne wuběźowanje

Ludowego nakładnistwa Domowina a Załožby za serbski lud 2019

Napominamy wšyknych młodych pišucych se pjera pśimaś.

Pišćo wó źinsajšnem casu, wó zachadnosći abo wó pśichodnosći; wó luźach, kótarež su wam bliske, wó swójich wobglědowanjach a nazgónjenjach, wó glucnych wokognuśach abo tšachach, wó swójich cowanjach a swójich póžedanjach!

Jury mytujo twórby w tśich kategorijach.

Kategorija A Kategorija B Kategorija C
basni, lyriska proza krotka proza dlejša proza, dramatika
1. myto: 150,00 € 1. myto: 250,00 € 1. myto: 500,00 €
2. myto: 100,00 € 2. myto: 150,00 € 2. myto: 300,00 €
3. myto: 75,00 € 3. myto: 100,00 € 3. myto: 200,00 €
4. myto: 50,00 € 4. myto: 50,00 € 4. myto: 100,00 €
5. myto: 25,00 € 5. myto: 25,00 € 5. myto: 50,00 €

Za kategoriju C dej twórba nejmjenjej pěś normowych bokow wobpśimjeś (1 800 znamješkow na bok).

Wósebnej myśe

Za nejlěpšy pśinosk wobźělnice/wobźělnika pód 16 lětami pósćijo jury wósebne myto we wusokosći 100 euro a za drugi nejlěpšy we wusokosći 50 euro, jolic njejo awtorka/awtor mjazy mytowanymi g. pomj. kategorijow.

Wuměnjenja:

     

  • Wobźělnica/wobźělnik njejo starša/staršy nježli 35 lět a njama hyšći swójsku publikaciju (knigły).
  •  

  • Twórba jo spisana w górno- abo dolnoserbšćinje a njejo daniž w casnikach, casopisach, knigłach abo w interneśe wózjawjona daniž se za pjerwjejšne literarne wuběźowanja zapódała.
  •  

  • Twórbje pśipołožone jo łopjeno z mjenim, adresu (pó móžnosći teke e-mejloweju) a starstwom awtorki/awtora.
  •  

Termin a městno wótedaśa:

28. oktober 2019 (płaśi postowy kołk)

Załožba za serbski lud
John Petrik
Postowe naměsto 2
02625 Budyšyn

abo z e-mejlku:
j.petrick-stiftung@sorben.com

Jury ma pšawo, myta pó swójom suźenju pósćiś. Pšawniska droga jo wuzamknjona.
LND wózjawijo nejlěpše twórby w Paternosteru abo w Rozhlaźe.