Póžedanje wo spěchowanje 

Załožba za serbski lud spěchujo projekty ze zaměrom, serbsku rěc a kulturu ako wuraz identity serbskego luda wuchowaś a dalej wuwijaś. (Spěchowańska směrnica Załožby za serbski lud)

Póžedanja za to mógu towaristwa, kulturne kupki, amty, gmejny, kubłańske institucije, nakładnistwa a druge nosarje projektow stajaś (pśirodne a juristiske wósoby), z bydlenim abo sedłom w serbskem sedleńskem rumje Lichotnego stata Sakska respektiwnje w starodawnem sedleńskem rumje Serbow w Bramborskej abo kenž mógu pokazaś na projekt, kótarež se pśewjeźo w pomjenjonem sedleńskem rumje. Pśi tom ma se źiwaś na Powšykne póstajenja (wótrězk I)

Pśedmjat spěchowanja su pśedewześa w slědujucych wobłukach:

A. Serbske twórjece wuměłstwo
B. Serbske pśedstajajuce wuměłstwo
C. Serbska literatura
D. Serbska muzika
E. Woplěwanje domownje a nałogow
F. Źiśece a młoźinske projekty/wódychanje źiśi
G. Pódpěranje internatnych wuknikow Serbskego gymnyzija w Budyšynje a Dolnoserbskego gymnaziuma w Chóśebuzu
H. Pśipłaśonki nosarjam lichotneje młoźinskeje pomocy a nosarjam zjawneje młoźinskeje pomocy z dwójorěcnymi (serbsko-nimskimi) kupkami w Bramborskej
I. Zwenkainstitucionelne wědomnostne źěło
J. Rěcne kursy za górno- a dolnoserbsku rěc
K. Njestatne serbske muzeumy a domowniske śpy
L. Pśedewześa w sociokulturnem wobłuku
M. Stipendije
N. Serbske kulturne pomniki

Pomjenjone spěchowańske kriterije a nejwuše sajźby spěchowanja jadnotliwych wobłukow su we wótrězku II Spěchowańskeje směrnice "Wósebne póstajenja k spěchowańskim wobłukam" wopisane. Póžedanja njedejali zasadnje wóstaś pód minimalneju spěchowańskeju sumu wót 250 euro.

K dopołnosći póžedańskego formulara słušaju:

• wupołnjony póžedański formular (staw:1.07.22), (pšosym źiwajśo teke pokazki k wupołnjenju formulara za projektowe spěchowanje (PDF, nimski))
  Glědajśo! Formulary pšosym nejpjerwjej na swójskem licadle składowaś (na pšawu myškowu tastu kliknuś “Ziel speichern unter”) a akle pótom wupołniś!

   

• spěchowańskim směrnicam wótpowědujuce wopisanje projekta
• detailěrowany, wuronany a we se doslědny financěrowański plan ako teke
• trjebne pódłožki, kenž informěruju wó sedle/bydlenju, zaměru a pšawniskej zamóžnosći stajarja póžedanja.

Case stajanja póžedanja:

• 30. septenber za projekty w casu wót januara až do junija pśiducego lěta
• 31. měrc za projekty w casu wót julija až do decembra běžnego lěta
• 31. julij za projekty pśiducego lěta, gaž póžedany wolumen wušej 10.000 € wugótujo

Zebranje wšych za stajenje póžedanja trjebnych dokumentow

Směrnica a póstajenja

• spěchowańska směrnica Załožby za serbski lud

Póžedańske formulary

• póžedański formular (staw:1.07.22), pšosym źiwajśo teke pokazki k wupołnjenju formulara za projektowe spěchowanje (PDF, nimski)
  Glědajśo! Formulary pšosym nejpjerwjej na swójskem licadle składowaś (na pšawu myškowu tastu kliknuś “Ziel speichern unter”) a akle pótom wupołniś!

Pśiłogi za pśizwóleńsku wopowěsć

• Wobtwarźenje pśiwześa pśizwólenja  a wótwołanja srědkow za projekty
• dokład wužywanja

Formulacija pokazki na spěchowanje
pokazka na spěchowanje