Pśedsedaŕka Załožboweje rady wita dweju noweju cłonkowu

Terminy za 2022

Wótněnta statkujotej kněni Brigitte Faber-Schmidt a kněz dr. Jürgen Rühmann ako nowej cłonka Załožboweje rady Załožby za serbski lud.

Dr. Jürgen Rühmann, něgajšny zastojnski a financny sudnik ako teke dłujkolětny zastupujucy pśedsedaŕ Sakskego wustawowego sudnistwa naslědujo Marka Dźisławka ako zastupujucy cłonk Załožboweje rady zastupnikow serbskego ludu w Sakskej.

Kněni Faber-Schmidt, wótźěleńska wjednica kultury w Ministaŕstwje za wědomnosć, slěźenje a kulturu Bramborskeje wobsajźijo pó kabinetowem wobzamknjenju druge městno Kraja Bramborska w Załožbowej raźe, gromaźe ze Statnym sekretarjom Tobias Dünow.

"Wjaselim se sobustatkowanju dweju noweju kompetentneju cłonkowu w Załožbowej raźe a witam wobeju ceło wutšobnje", groni Susann Šenkec, amtěrujuca pśedsedaŕka Załožboweje rady.

W prědnem połlěśe 2022 pśigótujo Załožba wósebne pósejźenje Załožboweje rady za měrc (01.03.2022) a pšawidłowne nalětne pósejźenje za maj (24.05.2022).

Aktualnu zestawu Załožboweje rady namakajośo pód stiftung.sorben.com/dolnoserbski/zalozba/struktura/.