Wót 19. do 22.05.22 wótmějo se na Instituśe za sorabistiku lipšćańskeje uniwersity sorabistiska konferenca ku góźbje 70-lětnego wobstaśa uniwersitnego sorabistiskego wukubłanja, kótaraž prezentěrujo sorabistiku w cełej šykorosći tukrajnemu a wukrajnemu fachowemu publikumoju ako teke zajmowanej zjawnosći.

Góźba jubileuma se zrownju wužyjo za zmakanje něgajšnych stipendiatow Załožby za serbski lud, ako wucyniju wažne žrědło sorabistiskego dorosta.

Pśednoski 20-tego a 21-tego maja se teke wusćełaju pśez live-stream.

Konferenca se spěchujo wót Załožby za serbski lud a SMWKT.