31. měrca 2024 jo se zakóńcył cas za zapódaśe pšosbow wó projektowe spěchowanje za projekty w 2. połlěśe 2024.

W załožbowem zastojnstwje su dojšli pšosby za cełkownje 70 projektow. Spěchowański wolumen wugótujo někak 332 TEUR.

Toś te projekty su planowane:

• Chóśebuska muzikowa nazyma z.t. planujo muzikowe cytanje "Mina Witkojc" w Serbskem domje w Chóśebuzu, kenž se na wósebnu wašnju žywjenju, statkowanju a twórjenju dolnoserbskeje basnikaŕki a publicistki MINA WITAJKOC pósćiwa.
• Domowina župa Dolna Łužyca z.t. co organizěrowaś młoźinski dialog: w oktobru ma se wótměś młoźinski dialog, workshop z śěžyšćom "serbski se woblekaś", wiki móžnosćow (serbske institucije se pśedstajaju) ako teke rozgronowy krejz.
• Bramborski krajny muzeum za moderne wuměłstwo Chóśebuz planujo wudaś katalog k wustajeńce Helle Stoletzkojc
• Pětš Dźisławk (Serbska murja) co se zaběraś z temu "Kwisk a trysk 2024"
• ravir film GbR jo zapódała pšosbu wó pódpěru zarědowanja "Kak klincy domownja?" - koncert, film, rozgrono,
• Jan Brězan / JANKAHANKA planuju nagrawanje nowego albuma

Mimo togo pśedlaže pšosby za někotare klasiske koncerty: Malte Hübner, Roland Hein, Heidemarie Wiesner, Belarie komorne ansamble.

Pó pśespytowanju zapódanych pšosbow w zastojnstwje załožby a pó pósejźenju fachoweje pśirady za projektowe spěchowanje, kótarež formulěrujo dopórucenja k spěchowanju projektow, zgóniju pšosbarje w pśiducych tyźenjach, lěc se jich projekt spěchujo abo nic.